الشاعر/أشرف ثابت جوهر
(ابو العيال)
هتعمل ايه ياغلبان
ليل ونهار شقيان
علي طول تعبان
العيال طلباتها كتير
والدخل ياعيني قليل
علي الجوع صابرين
والمدارس علي الأبواب
وطلباتهم مش راحمين
شنط وملابس وكتب
جديدة هتجيب منين
ولا الدروس والمدرسين
ابو العيال نفسه في قميص
وجزمة جديدة يابنى ادمين
حاله عدم والله مسكين
الست مراته عاوزة تشتغل
تقول اساعد جوزى
راجلها زعل لوى بوزه
قال لها مينفعش يالوزه
عيالنا لسه صغيرين
الواد الكبير نفسه في موز
يالوزة اللي يعوز يعوز
المرتب مابيكفي العوز
ابو العيال الله في العون
يدبرها سيدك رب الكون
ليست هناك تعليقات:
إرسال تعليق