رايح فين

 بقلم محمد البريمي

شعر غنائى ..

((( رايح فين )))

رايح فين و سايبنى لمين .. بعد الحب م كوانى بناره ..

هانت عليك دموع العين .. و عذاب قلبى و مراره ..

بعد م ضاع  العمر معاك .. جى تقول يا حبيبى أنساك ..

ونا عاشق دايب ف هواك .. و الأمل طال  إنتظاره ..

       رايح فين و سايبنى 

عايزنى أبعد عنك ليه .. و إنت ساكن ف الروح و العين ..

بعد م كنت خلاص  قريب .. أنسى هموم السنين ..

و أطوى الماضى بألامه .. و أعيش الفرح و أيامه ..

و ليل السهر و أحلامه .. و عيون القلب السهرانين .

       رايح فين و سايبنى

بعد م خدنى الشوق إليك .. تحرمنى بس  منه ليه ..

بعد م إدالك  قلبى الآمان .. ترجع تانى تأسى  عليه ..

قلبى اللى سلملك روحه .. ووهبلك عمره و حياته ..

كان فاكرك هتداوى جروحه .. و تنور الدنيا  حواليه .. 

         رايح فين و سايبنى 

بقلم الشاعر الغنائى .. 

محمد  البريمى ..