الشاعر عبد المنعم حمدى رضوان
شقاوة عواجيز
مرت علي صبية مزة
حلوة وامورة
قلت لها تتجوزينى
معايا المهر وكفاية
قالت يارجل عجزت
وهكعت وكحكحت
و سرح البياض
في شعرك بزيادة
قلت لها أن كان على
الشعر أصبغه وشد
وشى وأرجع شباب
أناقة وشياكة
لو بوسة منك على
خدى ترد الروح اما
عيونك دى لوحدها
سحر وحكاية
بوسة بحالها لتك حوسة
ونظرة قال نظرة
أنت أزاز نضارتك
كعب كوباية
قالت ياراجل انت من
الآخر مفكوك ومتلصم
وهيحسبوك عليا
عريس وجوازة
قالتلى انت الخريف
ايام وهتودع
وانا الربيع اللى
هيفتح وايامه جاية
أنا قلت لو شبت قلبى
شباب بيحب
ويدق وكلامك
الماسخ ملوش عازة
وفى النهايه ومن هنا
لهناقالت لي خد بوسة
ع الهوا وسلام بإيدى
وغمزة وضحكاية
الشاعر عبد المنعم حمدى رضوان
جميل ورائع شاعرنا دمت
ردحذف