بقلم /محمد فوزي)
الجزء الاول
(1)
سالوني بتحب البيضه ولا السمرا فجئوني بالسؤال
مدونيش فرصه للتفكير ولا حتى الارتجال
وأنا مش لاقي كلام يتقال
أجامل مين وأحرج مين ياناس حرام
وده بردو سؤال
طب بالذمه أجاوب أزاي والبيضه والسمرا بيجرو في دمي كما الشلال
وأنا جنتل مان أزعل نفسى ولا أزعلش حريم الارض ده أمر محال
وكمان لتنين ليهم فى رقبتى جميل
وليهم عليا دلال
من صغري وأنا متطوء بجميلهم زي الفرس الحرنان اللي لجامو في أيد خيال
البيضه طول عمرهاحمياني من أمراضي
ومن أوجاعي
شيلاني فعز ظروفى الصعبه وقت الشده
الأيها في دراعي وقت الجد تهد جبال
ووقت اللعب يتقال فجملها مية موال
طيب حد يقولي
مش بردو كرات الدم البيضه في جسمي
هيه الدرع الواقي وهيه جهاز الامن الرسمي
وأسمها بيضه ولا أنامحتال
ومفيش راجل يجي يقولي إن أنا طبال
أنا مش طبال أنا راجل زيك عارفك فاهمك عاجنك خابزك ومحدش فينا أحسن من حد
كل رجال الارض بيجو لحد البيضه والكل يشد فرمله اليد
ويحس برعشه بتسرى فى جسمو ونشوه عجيبه ويلمس أرضي زي اللى أتكهرب ولامسك الفولت العالي وتحت أقدامه قام زلزال
أصل البيضه دي أحلى غرام ولا فيه زي وصالها وصال
وبعد ده كله جاي تقولي بيضه وسمرا
وعايزني أرد
ده أنا لو أموت والله ما أرد
ده سؤال صعب
واللى يبت فى أمر البيض والسمر
ده عمرو ما حب ولا فى غرام الستات طب
ولاعمرو عشق البيضه ولافعيون السمرا كتب موال
أما أنا أنا لا عبيط ولا محتال عشان ارد على ده سؤال
أنا طول العمر مابينى وبينهم حبل وصال
وأرجع أقول أنا جنتل مان أزعل نفسى
ولا أزعلش حريم الارض ده أمر محال
محمد فوزي
ليست هناك تعليقات:
إرسال تعليق