الشاعر /أشرف ثابت جوهر
كتبنا عن الفلاحة
وحياتها اليومية
طلعت لي من الدرة
واحدة ست صعيدية
قالت لي واه يابوى
أنا واحدة ست جوية
لقيت في أيدها طبنجة
وعلي رأسها زلعة ماية
قلت لها
طب اعمل ايه ياولية
جالتلي اقعد حالا
عاوزة جصيدة شعرية
قلت لها طب اكتب ايه
قالت احنا شهامة صعيدية
بنقوموا من الفجرية
شغلنا من البدرية
لو حد علينا جار
مبنعرفشي الفرار
نقف مع الرجالة
ولو حكم ناخد التار
أنا اسمي ست الدار
اتربينا احسن تربية
متقولش علينا ولية
وقت الجد رجالة
وولادنا اقوى جنود
واقفين يحموا الحدود
مهما كان المصير
نتعشي وقت المغرب
ونقول تصبح علي خير
ليست هناك تعليقات:
إرسال تعليق