بقلم طاهر مختار عتيت
نخلي بالنا من بعض ياخوانا ونفتكر يوم ربنا فيه هايجمعنا
ونرجع زي زمان اخوات وأصحاب وأحبه ونحاول ننسى اللي فات ونريح قلوبنا
الخير والشر نصيب وقسمه ولابد يواجهنا واحنا اللي بنختار طريقنا.
ممكن نمشي ف طريق الخير ونبعد الحرام عن سكتنا وبرضوا ف الشر نقدر نمشي بمطوه وسنجه ونخسر ناس تحبنا وتعشقنا.
الحب احساس ربنا عليه هايحاسبنا والاحترام برضوا بايدنا ونقدر نغير من تصرفاتنا
القرش الحرام ممكن ف الدنيا يسعدنا لكن ف الاخره عمر ربنا ما هايسامحنا
عيشها بدقه واحمد ربنا ع النعمه كده كده زايله والموت ف طريقنا
عمر المجد ولا السلطه هاتبعد الموت من سكتنا مهما طالت مدتنا.
لينا وقت هانحس بالعجز والعقول تايه ومش عارفين نداري دموعنا.
عشان كده ف القران نقرأ ونفتح باب رزق لغيرنا ونراعي ربنا وضمايرنا
نحب أهالينا وصحابنا ونحافظ ع بيوتنا وبلاش نعيش ف مولد وغفله وننسى واجبنا
لا فرحه بدوم ولا حزن هايفضل دايما ف سكتنا وع قد نيتنا ربنا بيحاسبنا
وبتنهتي الرحله وأولادنا بتورثنا لكن وقت الحساب ماحدش هايعرفنا
مع الرغم عشانهم سرقنا وخالفنا القرأن والسنه وحللنا الحرام عشان نحسن من وضعنا وكيانا
لكن للاسف العمر بيجري وعشان نفرح بظلمنا الموت خبط ع بابنا
وتورثنا ولادنا ولا واحد فيهم يفتكرنا فلوس ف البنوك وفيلا وعربيه وثروه لكن النتيجة ف النهاية مش ف صالحنا.
وعن أموالنا هايحاسبنا عشان كده ناخد بالنا ونفكر بالعقل والحكمة ونعمل حساب ليوم ربنا فيه هايجمعنا.
نشتغل ونسعى حتى لو من الكبار اتظلمنا كل شئ زايل مهما طلعنا أو حتى نزلنا
يارب اهدينا واسعدنا ونور بالايمان قلوبنا واجعل الحب والخير دايما ف طريقنا.
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا.... ويرسم الفرحه داخل قلوبنا.....
مع فارس الكلمه/ طاهر مختار عتيت
شاعر العصر/ الاحساس و بس .... تحيا مصر
طنطا.....كفر الزيات......اكوه الحصه
ليست هناك تعليقات:
إرسال تعليق