بقلمي / جمال حلمي ابراهيم عامر.........................................................................
عايشين ف الدنيا لفترة
وبعدها ماشيين ماشيين
بنودع بعض بالجملة
مش فارقه ده يطلع مين
أساطير وسلاطين ماتوا
ف القبر نايمين مساكين
لاتسمع همسة ولا كلمة
هياكل وتراب ورميم
عايشين ف الدنيا لفترة
وفينا ال فكرين قاعدين
واخدين الدنيا لعبه
ياخسارة دول ناس نايمين
الدنيا ياصحبي فانية
والكون لصاحبة ياعاقلين
لازم نفوووق من الغفلة
ونرجع سريع للدين
النهارده بعافية وصحة
وبكره مريض وعليل
لا الصحة بتدوم والعافية
ولا شبابك دايم على طول
من صغري بشوف أموات
وصريخ وبُكا وعويل
على ال فارقنا ف لحظة
وكأنه كان حلم جميل
ياسلام على الموت الفجأة
بيخطفنا ف لمح العين
والناس لسه بتكابر
عاملين ودانهم من طين
ياللي أنته عايش مش حاسس
وبتضيع عمرك ياحزين
أمسك على دينك مرة
وحاسب نفسك ف الحين
أعمارنا معدودة بالثانية
مش سايبة لنا والتنجيم
للنجم ونخمن فيها
ونقول كده كده ماشيين
صحيح ماشيين دي حقيقة
لكن رايحين على فين
الٱخرة مش كلمة بسيطة
لنقولها بلسان وأتنين
الٱخرة حكايتها حكاية
هونها علينا يا كريم
.................................................................................
بقلمي / جمال حلمي ابراهيم عامر
.................................................................................
ليست هناك تعليقات:
إرسال تعليق