وائل سعيد
=============
ميزان العدل سيف
بإيد اللي ظلموني
وانا ف الدنيا ضيف
بهمي و شجوني
ربي وسندي طيف
وصورة ف عيوني
بيقولو عنو عفيف
شهم وكان لوني
جدع وقلبه نظيف
زي ما قالولي
حصده مرض ف الصيف
وسابني هنا بطولي
اليتم قهر وخوف
من كل اللي حاوطوني
عايش عليها ضيف
والدمع فى عيوني
عدوي لي لطيف
عن أهلي اللي رابوني
مع إني سهل خفيف
والغدر مش لوني
نضيف الحشا والجوف
وبزهدي ذلوني
ماهي الحياه دي جيف
طلابها باعوني
لو شافوا لحمي رغيف
كالوني وبلعوني
إجعل كلامي خفيف
ع اللي حكموني
بيعملوا لي رصيف
ومشافي لعيوني
والهمة في التجديف
لما ييجي دوري
ألاقي كام أشكيف
وجيبيوبي عصروني
والفقر له تكتيف
لفكري وفنوني
والذل صبح تكلليف
والطاعة دي ضرورى
ضعيف وجنبه ضعيف
أكلة سمك بورى
يسمن عليها نحيف
تعبه الدهب واللولى
والجيب لابد نظيف
بقانوني ودستوري
انتخبوا عبده سيف
ولطيفة بيومي
ابن ناس ونظيف
شبعان ويرويني
والست كام مظروف
لغلابة حاوطوني
بيعلوا فى التهتيف
لطيفة بيومي
نظيف نائبنا نظيف
سن لي قانوني
اشرب بقى يا خفيف
وانسى تليفوني
وابن الناس النظيف
مش داري بهمومي
وشكاوي مليا رفوف
من ناس كتير لوني
ودي آخرة الملهوف
على بنت بيومي
دى ناس هدفها رغيف
وتحلي ببرشومي
وصاحب الحصانة شيف
وطبخته حكومي
..... وائل سعيد .....
ليست هناك تعليقات:
إرسال تعليق