بقلم // سليمان كاااامل
******************
فينا أحنا............... بس العرب
إعلام رخيص ..يحب الأڤورة
يمجد يشخلع .......أي رئيس
ويجعل منه......أعظم قسورة
لو إتكلم ..........فككوا المعاني
وصنعوا من خياله أعلى مفخرة
ولو سكت ...........آه لو سكت
دا الباشا بيهدد وهيعمل مجزرة
ولو ركن بدماغه على كف إيده
قالوا معجزات هتيجي مفجرة
خيبته يحولوها ...شرف للمقام
وعجزه يتفسر مش غاوي منظرة
متواضع كريم..إن طأطأ براسه
أمام رئيس..... أمريكا المسخرة
صبور حليم .....وقت المصايب
يقولوا عليه بيعفي عند المقدرة
كل صفاته .........تتفسر جمال
حتى ابتسامته.. تملي مصورة
حديث الدنيا .......وكل الجرايد
تسبح بحمده ...القنوات وتشكره
كل الرؤساء........... ماتقدر تنام
إلا بإذنه ..........وتماسى معطره
وحتى السحاب مايقدر يواصل
إلا إذا استسمح جنابه المعبره
إعلامنا المبجل ..يفشخ يطبطب
يشتم ويمدح ....باروده معمره
بأمر السيد .....والإشاره خضرا
والسقف عالي ..الشريف هنبعثره
وبأمر السيد .....الوضيع هنزينه
ونلملم قذارته وفي ميدان هنقدره
.............................................
سليمان كااااامل .....2021/5/21
الجمعة
ليست هناك تعليقات:
إرسال تعليق