بقلم حسام الدين صبرى
-----------------
كرهنا بعض وخلاص البعد
ده أخر قرار
ومات الورد بين عند وعند
إنتهى المشوار
كان الجرح جوانا سارح
ونقول فى جنة وإحنا فى نار
فاكرينه جاى وهوه رايح
وراح الحب وغاب النهار
ماكانش فينا قلب يسامح
أو حتى يقبل الإعتذار
قول للزمن بقى لوسامح
يرجع بينا علشان نختار
كرهنا بعض وخلاص البعد
ده أخر قرار
لا هى الايام ولا السنين
ولاالقدر ولاناس تانين
غربوا فينا
إحنا اللى كنا كده قاسين
ظالمين روحنا عشان دايسين
أحلى مافينا
خدنا العند وحللنا البعد
والليل إتمد والنور بقى نار
كأن الوعد نتوه من بعض
خلص العرض ونزل الستار
كان الجرح فينا سارح
ونقول فى جنه واحنا فى نار
فاكرينه جاى وهوه رايح
وراح الحب وغاب النهار
ماكانش فينا قلب يسامح
او حتى يقبل الإعتذار
قول للزمن بقى لو سامح
يرجع بينا علشان نختار
كرهنا بعض وخلاص البعد
ده أخر قرار
من غير كلام خلينا نروح
مش هانعيشها حلاوة روح
ونحاول ونتجمل
ولو الف سؤال بينا مطروح
مش هانجاوب ولا هانبوح
لاتسألنى ولاأسأل
غاب الفجر جف النهر
ومفيش عُذر هايحلى مرار
خلص الصبر والقلم جر
أخر سطر فى الاشعار
كان الجرح جوانا سارح
ونقول فى جنة واحنا فى نار
فاكرينه جاى وهوه رايح
راح الحب وغاب النهار
ماكانش فينا قلب يسامح
او حتى يقبل الاعتذار
قول للزمن بقى لو سامح
يرجع بينا علشان نختار
كرهنا بعض وخلاص البعد
ده اخر قرار
-------------
حسام الدين صبرى
ليست هناك تعليقات:
إرسال تعليق