بقلمي / جمال حلمي ابراهيم عامر
...................................................................................
يابنت الأيه يادنيا فيكي
ناس كتير متاعيس
وناس عايشة اللحظة
وناس كتير عواجيز
لحد عنهم سائل
ولاحد قلبه حسيس
ع الموضة الكل ماشي
لقطة وصورة وتهجيص
كتير عايزين اللقطة
وهمه بجد وحوش
الخير مش عايز لقطة
ولاعايز ناس مهاوييس
الهجص حديث الساعة
والكدب بقا مدروس
ناس الزمندة غريبة
فشر وعشم إبليس
الناس فكراها لعبه
لتركب موجة وتعيش
ناسيين الٱخرة ويومها
والكل فيها بلابيص
يابنت الأيه يادنيا
علمتي الناس السيس
إزاي تلف وتلعب
وتدوس عشان تعيش
عواجيز بيقول الرحمة
عايشين بدون أحاسيس
يومنا بدايته طويلة
ونهايته أزمة مفيش
بنام ع ألأرض ف وحله
بدون غطا أو خيش
ونصحى الصبح ندور
على أي لقمه عيش
يادنيا خفي شوية
على الفقير الهيش
واديلة الفرصة مره
يعيش ذي الناس
كفاية ظلم يادنيا
كفاية ذنب وطيش
ياللي أنته ضامن بُكرة
أضمنلي بُكرة أعيش
وخدني ف جناحك ياله
ده الموت ورايا كابوس
...................................................................................
ليست هناك تعليقات:
إرسال تعليق