عبدالله رجب ابوعدنان
مش بالسنين تعجز وتكبر
والعود لو نشف ازاي يعمر
بالحب وحدة يرعرع و يخضر
اشتري مني إبن الأصول
دايما موزون ومعقول
وعليك ما يتغندر
أما الخسيس زي السوس ينخر ف العضم
محتاج حفرة كبيرة ويستاهل الردم
وهوا والخاين سوا كما العدم
ناس تراعي الاحساس
وناس حلال فيها ضرب الصرم
لو شرب مية ع الناس بيتكبر
وناس تحب تقف ع المسرح
لجل المنظرة و الشو
يفتعل ويبوز الفرح
ومات الاحساس و الذوق
وناس بتلعب على اكتر من حبل
ما تعرف ذكي ولا من الهبل
ف العزا يبكي وف الفرح يطبل
ونفسه موت يطلع ف الفيديو
عقل بلا راس إزاي تفكر
و فيه ناس تقف ف طابور الحريم
خلع توب الرجوله وبقى أم كريم
يصطاد ف الميه العكرة وكله ف السليم
لسه عايش من عيلة فلان ع وضعة القديم
بيعلي نفسه قدام الناس
وف المراية شايف نفسه بيصغر
واللي يقع منك اوعى تميل عليه
أو تطاطي للريح علشان الجنية
والصاحب العويل تاخد منه ايه
مهما تساعدة الطبع غالب فيه
ياما خرب بيوت وفيها بيدمر
وكلمة اخيرة اللي يبيعك بيعو
واللي يقدر الناس يا صاحبي يتقدر
اشتري مني..
عبدالله رجب ابوعدنان
ليست هناك تعليقات:
إرسال تعليق