بقلم اسامه الطيب
الاوله حبيت قمر في سماه وكان عالي وخدني معاه وطار بياعلي الجنه
والتانيه. اتهنيت وقلت الله وراق بالي وملاني حياه وحنيه وقال اتهني
والتالته خبيت ف قلبي الاه ومال حالي عشن بهواه طعم فيا
٢٠٠طعنه.
من بعد عشق وحب
وحنان وضحك ولعب
والفرح ع الخدين
معقوله من غير ذنب
يقسي ويكسر قلب
كان شايله جوه العين
معقوله كل الهنا
والفرح والسلطنه
يتحولو لعذاب
يرميني ف المحزنه
واليوم يعدي بسنه
ويقفل الابواب
بعد اما نولت المني
بيهدلي اللي اتبني
والدنيا تبقي ضباب .
ايه اللي قلب الحال
خلا الفرح اطلال
يعد اما كنا احباب
خلا الدموع شلال
ولقانا يبقي محال
نتلاقي ك الاغراب
ده حرام ده ولا حلال
جوايا الف سؤال
ملهمش اي جواب .
يااللي عشان المال
بتقطع الاوصال
الدنيا حالها محال
وطبعها قلاب
وقالوها ف الامثال
والحكمه والموال
اللي يخون بيكون
ملعون في كل كتاب
اشعار
اسامه الطيب
٢٠٢١/٩/١٩
https://youtu.be/KvaNu8ayn88
ليست هناك تعليقات:
إرسال تعليق