الشاعر محمد الشاذلى
إذاى تفكر إنك تهون ؟؟؟
أو حتى يوم تسوقك ظنون
إنى أحب من تانى غيرك
وأنت اللى حبك ف العيون
أنت ملكت القلب كلَه
وأنت اللى عمره
ف يوم ما ملًه
عوض لعمره
مالك لأمره
ورباط هواك
ابداً ماحلًه
مخلص ف حبك ابداً ما حن
ف يوم لغيرك ولا حتى ظن
أوعاك تصدق لأى كلمه
دا العقل ف بعادك يجن
لو أنت حبك لقلبى صادق
والشوق مخليك
بقلب عاشق
مكنش ابدا ف يوم يصدق
انى ف يوم ممكن افارق
عمرك حبيبى ابدا ما هنت
ولا حتى لحظه لعهدى خنت
ولا حتى فرطت ف هواااااك
صاينك ياريت تكون ( آمنت )
،،، محمد الشاذلي ،،،
ليست هناك تعليقات:
إرسال تعليق