بقلمي / جمال حلمي ابراهيم عامر
..................................................................................
فيه ناس ناسيين الٱخرة
وناس للٱخرة فاكرين
وناس ماسكين ع الدنيا
وناس ف الخير ماشيين
أيام بتمر بسرعة
وسنين بتطير نايمين
والأخرة بقت ع الشعرة
كلنا راحلين راحلين
أوقات بسرح مش داري
بفكر كتير تخمين
ف الموت والقبر وضيقه
وسؤال الملكين ف الحين
وأقول لنفسي يانفسي
لو كان الإيمان متين
ماشوفنا العذاب ف الدنيا
ولا شوفنا الوباء بيزيل
أيام بتمر بثواني
ونهاية محتومة عارفين
والناس لسه بتكابر
وماشية مشي الشياطين
أمبارح جاتلي ببناتها
ودموعها نار ولعه جحيم
بتقولي ضيعني حبيبي
ومضاني ع المليم
خلتني أكره أيامي
وأكره ناكر الجميل
أوقات فكري بيتشل
مش عارف ادخل ف الجيم
قانون بيقولي اتريس
وقانون ماسك سكين
سنين بنجري ورا دنيا
قالوا عنها منصوبة كمين
تصطاد الغلبان الضايع
وتسيب ملايين خارجين
شعار الدنيا بقا يضني
ماتعرفش بتكلم مين ؟
مين أنته ؟ ومين أجدادك
ياريت تفكر وتلين
وتعمل حساب للٱخرة
كلنا ماشيين ماشيين
لا نافع مين أنته ونسبك
ولا نافع أبوك كان مين
...................................................................................
ليست هناك تعليقات:
إرسال تعليق