كلمات الشاعر احمد جابر سويلم
علشان بحبك انا راسمك على جبينى
مشتاء لنسمة هوا تسمع مواويلى
اللحن كان الدوا فى رساله هتجينى
وان طال فى يوم غربتى فى احلامى بتجينى
واسئل كمان دمعتى لو جات تصحينى
عطشان ومشتقلك مشتاق لماء نيلى
والصبح بيشقشق لحنك بيشجينى
والطير بيندهلى مشتاق يغنيلى
اقوم على مهلى القاكى وقفالى
علشان بحبك انا رسمك على جبينى
حبيت فى يوم اسئل لساكى فكرانى
ابنى ومين ينسى وانت فى احشائى
اسئل نبات جسمك تكوينه من خيرى
لساك عايز تسئل مالضحكه تكفينى
اسف على انى بسئل فىى شيء منى
الغربه وخدانى خايف اكون انى
ولانى وحدانى تسرقنى احزانى
وارجع اتوه منك تنسانى احلامى
ياام الثياب اخضر يانور فى وجدانى
ياام التراب اسمر وسماره جوانى
نيلك وقال اشرب ترجع لينا تانى
عارف ومش ناسى امرك على راسى
راجع ومستنى البحر يسئلنى
مركب واهو ماشى مستنى يوم يرسى
جيلك على عينى جيلك ومش ناسى
شجرك واهوضلى وفى ايدى كراسى
وبشعرى قلت اكتب من جوى احساسى
عشقك ومن عشقى همسك كمان فاسى
والزرع هيرفرف ملهوف اكون راسى
علشان بحبك انا مادرش اكون ناسى
ليست هناك تعليقات:
إرسال تعليق