عبدالله رجب ابوعدنان
راجل بميه راجل وراجل ما يسواش
يحرق مكانه وبيت النتاش ما يعلاش
ناس تشتري بالغالي وناس تبيع ببلاش
والندل مهما علي يفضل برضك قشاش
بميه وش كداب متلون وغشاش
زي الفار يستخبى ف الجحور مهما عاش
اوعى تصاحب عويل حشاش
وابن الأصول للرجولة ما يتعداش
وعن الأصيل يا صاحبي ما تستغناش
وناس تحب الهري وكتر الكلام
ضحك وهزار وعنطظة تمام التمام
الوش اسود زي القلوب وكلة بالحرام
ناس ترجعك ورا وناس تزق لقدام
الناس للناس يا ساده يا كرام
من كتر الهموم ازاي أنام
اخويا وحبيبي طلع مش جدع
زود همي وجرحى وزاد الوجع
ف عز فرحي سابني وحداني وخلع
دموعي نزلت ونار فيا بتولع
من ساعتها والحزن يا ناس مسمع
الراجل بصحيح ساب شغلة و حالو
واقف مع صاحبه اية جرالو
ف وقت الشدة أو الفرح يا جمالو
يقويني ف محنتي وجميلو شايلهالو
يارب فرح كل راجل جدع
وكل امانية حققهالو
الراجل الوش ف الوش ما يداراش
والايد اتمدت بالسلام ما يقطعهاش
اشتري مني يا صاحبي
عن الراجل الأصيل ما تتخلاش
الراجل....
عبدالله رجب ابوعدنان
ليست هناك تعليقات:
إرسال تعليق