بقلم مصطفى نمر
وانا قاعد على القهوة
ومعايا اصحابى
الوحدة وسيجارة وكوباية قهوة
وصحبة تايهه وسط الزحمة
ومفيش مانع حبة ذكريات صعبة
وبنت سابتنى بطريقة سهلة
وسنين ضايعة وايام تايهه واحدة ورا واحدة
على وضع انسانى ملوش لازمة
وعقارب ساعة بتجرى بتاخد اوقات مش راجعة
وحبة ناس معدية شايله هموم على كتافها
ده ماشى وده واقف وده بيجرى من الخنقة
ودى زعلانة ودى حيرانة ودى مستنية الود والصحبة
كل ده وانا قاعد على القهوة
#مصطفى_نمر
ليست هناك تعليقات:
إرسال تعليق