الشاعر صلاح الجناينى
.
انا منقوع وسط العامية
لابس اللاسة مع الجلابية
عاش أجدادي بحضن بهية
أحاسيس لغتي فيها الحنية
لغة عامية أساسها وجود
إلى حافظها يكون موعود
حرفي بتعبر اي حدود
المنشد ينشد ع العود
شوف افلامنا مع الرويات
راح هتعيش ويا الحكايات
تلقا لغتنا فيها ابتسامات 😉
الميت تحييه لو مات
لغة مفهومة لغتنا عادية
قالو يفهمها كده العامية
زي الفول زي الطعمية
زي الكشري عليه التقلية
العامية ديه مش موضوعة
جوة المصري بذور مزروعة
لو بتخدر مش 🚯 ممنوعة
في العامية كلام محسوس
تلقا الكلمة قارءها تبوس
تلقا كلامنا أساسه قاموس
تنسا يجيلك مرة كابوس
العامية ديه بستان نور
لغة بتعدي جبال ببحور
مهما تلف الدنيا تدور
العب نطط اي حروف
ويا الحرف الكون بيطوف
حرف المصري آثار معروف إلى بيسمع يقرا يشوف
انا منقوع وسط العامية
لابس الاسة مع الجلابية
ابن بهية
الشاعر صلاح الجنايني
ليست هناك تعليقات:
إرسال تعليق