بقلم هناء البحيري
همسات
أنا بحب
أنا بحب الحياة بس بخاف من مشاكلها
كل يوم مشكلة جديده و كل يوم صدمه جديده
أيوه صدمه فى ناس كنت فى يوم من الأيام
كنت بتعتبرهم كل حياتك
كنت بتعتقد إنهم سندك فى الحياة
و للأسف هما إلي يكسروك
يكسروك و تعيش حياتك كلها موجوع
أنا بحب
أنا بحب الناس بس بخاف من ظلمهم
أيوه بخاف من ظلمهم
أصل الناس دى أنواع كتير أوووووووى
ناس تحبك عشان فلوسك
و ناس تحبك عشان تستغل إسمك
و ناس تحبك عشان بتستفاد منك
يعنى كله حب مصلحه
عايز منك حاجه يسأل عليك مش عايز خلاص
هى دى الناس إلي للأسف عايشين حولينه
أنا بحب
أنا بحب البحر بس بخاف من غدره
أصل البحر غدار و يامه شايل جواه أسرار
يا سلام لو أنت زهقان و تعبان و تقف على البحر بس شويه
تقف شويه و تسرح مع الموج إلي جاى و إلي رايح
و تقول لاء كده ماينفعش و تركب المركب
و تبحر بعيد و تبقى وسط السما و الميه
و تعيش سعيد بس شويه و تيجى موجه عاليه
تيجى موجه عاليه توقعك فى الميه و تصرخ
تصرخ و تنادى لكن هو كده البحر كده غدار
أنا بحب
أنا بحب الورد بس بخاف من أشواكه
الورد جميل يا سلام لو تقف وسط جنينه ويكون فيها كل أنواع الزهور
و خصوصاً الورد البلدى و بذات الورد الأحمر
أصل أنا بحب الورد الأحمر له ذكرى جميله عندى
بحب الفل و الياسمين بس عندى منهم حساسيه
الورد جميل بس يا خساره لو شوكه جرحك هيسيب معاك أثر
عشان كده الناس دلوقت بتفضل الورد الصناعى يعنى البلاستك
أنا بحب
أنا بحب الهواء النقي بس يا ألف خساره
الهواء النقي مش موجود أصبح معدوم
معدوم بسبب الكورونا يعنى الأمراض
و مش بس المرض إلي فى الجسد لاء
دا أصبح المرض فى الجسد و النفوس
كل شيء من حولينه أصبح مرض
مرض الكدب مرض الغش مرض الخيانة
أنا بحب
أنا بحب ربنا أووووووووووى
هو ده الحب إلي مافيهوش بس
عشان كده لازم نخاف ربنا
هو ده الحب الحقيقي
هو ده الباب المفتوح إلي عمره ما يتقفل
هو ده الحب الصادق إلي مافيهوش مصالح
يا رب بدعيلك من قلبي ترضا عني
يا رب أن كانوا عبادك ظالمين فأنت عادل
يا رب أنت حسبي و وكيلي
يارب أعطيني صبر أيوب و نصرة يوسف على من ظلمني
يا رب لك طاعتي و لك صلاتي
يا رب لك صيامي لك الأمر من قبل و من بعد
اللهم تقبل مني يا أرحم الراحمين
هناء البحيرى
ليست هناك تعليقات:
إرسال تعليق