للشاعر د. علي مسلم عجمي
-----------
السعادة مش متل ما إنت بدك
و لا من السما بتنزلك لوحدك
السعادة عند ما تنجز و تعمل
و يثمر ما زرعت بعرق جهدك
إسعد نفسك بكل شي بتأمل
بتسعد كل من حولك بسعدك
القناعة لو أخذت بشكل أجمل
السعادة.ملكك بقربك و بُعدك
السعادة هدف للعالم بـأسرو/ ه
بسعادة عندما عالدرب يسروا
إسعد نفسك و خليك راضي
و لا تـأسف على إشيا انكسروا
بتحزن ما حدا سائل و فاضي
عليك إن ما رجِـع لليسر عُسرو
ضروري تظلك بفكرك رياضي
بسعادة يومك و لو هبط جسرو
التفاؤل للسعادة و ما حواهـا
نهج عالي بأساسه و في بُناها
السعادة بتشبه كتير الفراشة
مهما حاولت تركض وراها
صعبة مسكها مهما تراشي
السعادة بالتوجه و النباها
هدف مرسوم فوق خيوط شاشة
حالـة واقعية بمستواها
بتوقف وحدها سرور السعادة
منها عند ما تطلب شهادة
القناعة كتير في إلها فضائل
نسينا فضلها بجهل و إرادة
السعادة بس صار الشخص سائل
و ترك نهج الشهامة و المبادي
كل شي بتقسمو بينقص و زائل
السعادة وحدها بتكبر زيادة
الشاعر د. علي مسلم عجمي
لبنان
ليست هناك تعليقات:
إرسال تعليق