لكن

بقلم أنوار عبد الرحمن 

 لكن .. شيئاً ما يبقى...                                                         بنتقابل وبنسلم نعيش فى سعادة                                                و نعيش حزن ونتألم                                                            تدور الدنيا حوالينا وتطحنا تعذبنا                                           ومن قساوتها ما نتعلم                                                       نعيش الحزن جوانا نتألم                                                   ونتبسم  فى عز جراحنا ما نتكلم                                          ومهما يدور حوالينا                                                            ومهما الناس بتأذينا بنصبر مابنستسلم                                        نقابل ناس عزاز غالين                                                              و نقضى معاهم أحلى سنين                                                وفجأة الطعنة تذهلنا                                                             دى جايه منين وجت مِن مين                                             ونعرف مين و نضحك !!                                                    ضحكة أمر مليون مرة من العلقم                                          سنين نتداوى من الطعنة                                                        كأن الحب بقى لعنة سواد و غيوم                                      ونبعد .. ترجع الدنيا تقابلنا                                                   وجوه تانية ونتعامل ما نتعلم وبنسلم                                          و تانى المرة تتكرر ما نتعلم                                                        و لكن كل مرة فينا بجرح كبير بتعلم                                           و يبقى شيء جوانا يصحينا                                                  يقول حاسبو جرح جديد و .. نتألم                                             و ذاب القلب من التعذيب                                                          و ما ذابت مشاعرنا وبنكمل وما نسلم                                        ولا يوم راح يا دنيتنا نصد عزيز                                               لأن قلوبنا صافية لغدرهم ..  ما تفهم                                           و يبقى شيء جميل جوانا يداوينا                                               و عز آلآمنا يجعلنا للدنيا نتبسم.🌸                                            أنوار عبد الرحمن