بقلم احمد حافظ
،،،، ياسمرا
ياسمرا يا ام عيون كحيله
بلون النيل
شعرك جدايل منصوبه علي
شطوط النيل
وخدك حمرته سحرتني
وضحكتك
في ظلام الليل قناديل
بسألك منين طل القمر
على قلبي
ملامحك ياسمرا مصريه
ملوك من قديم الأزل والتاريخ
بيقول الف دليل
على جدران الهوي سطور بتحكي
جمالهم
وتاريخ بعدد السنين على شط
الهوي بيغني موالهم
على عود اوتاره مشدوده جايه
بتسألهم
منين ياسمرا جيبتي جمالك
والسحر
اللي في عيونك
وغمازه مرسومه بالوشم على
خدودك
وتاج الشرف لقيته منقوش على
عودك
ولون الكون ما بيكمل جماله
ياسماره
الا في وجودك
ردي لهفتي لسؤالي منين حلوة
الحلوين
طلت على روحي
قالت اسأل تاريخ السنين عني
هيدلك
ويقولك انا الاصيله اللي اترسمت
حروف
العفه من بوحي
انا بنت الفراعنه بذره نبتت في
ارض الحب
رواها النيل
ومهما جار عليها الزمن مستحيل
عودي يميل
انا اللي قهرت العدا وكتبت تاريخ
الكون
بالعزيمه والتراتيل
انا مصريه بنت العرب الكل بيهواني
لمسة ايديها خمر والقرب منها سحر
ولحظة الجد فارس من الفرسان
انا بنت طور سينا وتينها وزيتونها
مذكوره في القرآن
انا كل مسجد للمسلمين وكل دير
بيتعبد فيه الرهبان
ومهما طال بيا الزمن انا الملاذ والوطن
اوعاك في يوم تنسى اني ملكه مصريه
بنت الأصل.والعفه بنت كسرت حتى
حدود
الزمن
،،،،،،،،،،،،، بقلمي
ليست هناك تعليقات:
إرسال تعليق