بقلم إبراهيم يونس
لو ينفع اقول كلمه اخيره
من غير ما اتمادى واخطى حدود
انتى جميله ,فى قلبى اميره
وانا مش طيب ولا كنت ودود
ياام الخدود ...عناب وورود
اهداب دى ولا سراب مفقود
تخطف عيون لاغراب لخراب ,ضباب ,حيره.......
لو ينفع اقول كلمه اخيره
شكلك احلى بالتكشيره
ولا عمرى انا بسكر بالبيره
لكن بالقهوه ومع صورتك
او تيجى سيرتك
ابقى انا مسطول
والجرعه الزايده من النيكوتين
كافيين , مورفين وحبوب, كوكايين
كل دا مش حاجه فى ادمانك
عطشانك بس وعلشانك
من حقى انى اشعر بالغيره
لو ينفع اقول كلمه اخيره
لعنين ,رجلين وايدين وكيان
انا اه انسان ...
لكن بعشق وبحب بجد
ومش بشبه حد من التانيين
انا ذكرى وفكره وشوق وحنين
ومانيش افضل م البنى آدمين
واكيد فيه كتير افضل منى
واللى يميَّزنى انى ب أغنى
وقت اما الحب بيغلبنى
او يعاتبنى فى حبيب زَيِّك
ازاى ابقى ف ضهرك زِيِّك
وتقولى عليا ب أعريكى
اقسم بالعالى وبالغالى
انا اكتر حد بيحميكى
من نفسه الاول قبل الناس
وكلام الناس ومن السيره
لو ينفع اقول كلمه اخيره
اقسم بحياتى وكلماتى
واشعارى اللى فى ايدها اسيره
انا حبى حقيقى ومش عيره!!!!
بقلم / ابراهيم يونس 🌺🌺
ليست هناك تعليقات:
إرسال تعليق