بقلم محمدكمال مسلم
رعد وبرق ونار فى سماه
كل ده انذار الله
اللى يحب الدنيا ياويله
عمر الدنيا في يوم ماتجيله
واللى طلب الآخره نال
نال جنة الرضوان وأخد الدنيا هديه كمان
وأنت ياحلوه روحي فى ايديكي
ليه ترمينى فى وسط النار
طلبت نصيحه الله يجازيكى
والجنه جزاء الأبرار
قولي الصدق ولا تخافى
الكذاب هيخش النار
اوعى فى يوم تخافي إنسان
العزه أساس الإسلام
أوعى تعيشى ذليله فى يوم
الإنسان دايما محروم
لو شاف الخير بيجري عليه
اياكى من دعوة مظلوم
أنا بتمني أنول رضاكى
لو هصبر مليون يوم
قلبي حبك وبيهواكى
وحياتي مليانه هموم
آه ياقلبي من أحزانى
نفسي أزور الفرح في يوم
فردت جناحى وقولت أطير
ووقعت على راسي كتير
مش عارف إنى إنسان
فكرت نفسي زي الطير
والناس بتضحك عليا
مش عارفه إنى همومى كتيرر
نفسي فى يوم أبعد عنها
قلبى حزين والجرح كبير
اللى عارفنى سبنى أحاول
عارف حزنى فى قلبى كبير
واتمنى يشوف السعاده فى عيونى
والحلم لسه في علم الغيب
لو كنتى فى يوم تحسينى
كنتى رحمتى دمعى فى عينى
كنتي حسيتى بحبيبك
شابل على راسه هم كبير
لكن احساسك غايب
وأنا قلبى بهواكى دايب
الله يرحم الحبايب
كانوا دايما قريبين
احكى عنى وقول يازمان
مين اتسبب فى الأحزان
مين ضيعنى فى عز شبابى
ولفين راحو كتيرر أحبابى
الكل فارق وتركنى
تبكي عيوني ليلى نهاري
يارايح وماشى ولاهمك
بكره الحزن هيدخل قلبك
والا عشان قولت بحبك
تجرح فيه ولا بيهمك
من النهارده خلاص هرتاح
هبعد وأترك أى جراح
هنسى مين حب وباع
أيوه هقولها تانى وداع
كل ماببعد برجع تاني
وأنتي قلبك آسى أناني
الحزن مخلوق علشانى
وأنتي خلاص قلبك باع
بقلم محمدكمال مسلم
شاعر مصر 🇪🇬
ليست هناك تعليقات:
إرسال تعليق