عوني هشام
لو فاضي قرب... كدا بشويش
هقول حكايه......... فى حارتنا
فى واحده كانت. بتبيع عيش
على ناصيه خلف....... عمارتنا
الست دى ....يالطيف يالطيف
عراك فى يوم .......انا هديتها
شافتنى وانا كان لبسي نظيف
قالت دا بيه .......جه لنجدتها
وقفت كدا على ركن... رصيف
خدتني اسمع............. شكوتها
بتقول دا جوزى .عقله خفيف
واليوم طردها.......... من بيتها
قلت لها فين...... ساكن جوزك
فكيها بقى........ وافردى بوزك
لما نناديكى................ ونعوزك
تيجى اوام..... وتبوسي ايديه
خلصت شغلى ...على المغرب
والشمس راحت....... وبتغرب
الوقت كان............ حل وقرب
على جوزها قمت ندهت عليه
لقيته متلغبط .............حاله
وكان بيخدم........... فى عياله
سرحان وما اعرف.... ايه ماله
جاب لى كرسي..... ومد ايديه
قعد بيشكى ..........ويتشكى
وجيبه فاضي.......... من الفكه
مراته قافله عليه .......وسَكه
وف لحظه شفت دموع بعنيه
هديته.......... وعطيته سجاره
قلت احنا واحد.... فى الحاره
ياعم قول ............دى كفارة
افرح بعمرك........ عيش لياليه
قالى شوف .. من غير تكليف
انا كنت اسطى كبير ...حريف
بمطعم سياحى ..عليه الشيف
وكل الزباين......... تيجى عليه
مرتبي كان.................. بايديها
طول السنين ........واثق فيها
اخوها طاف يوم....... حواليها
خد اللي حيلتى ومش بلاقيه
دبرني انت...... قول اعمل ايه
عاتبتها .............صرخت فيا
وانا لا بيا ...............ولا عليا
ولادى دول............. نور لعنيا
والحاله صعبه... ياسيدنا البيه
وهيا بتدافع.................... عنه
صايع بيضرب........ ابوه وامه
شمام وضايع.......... على شمُه
والحال اهو.... ووقعت انا فيه
تعبت انا ...........من تفكيري
واللي طعمته .......نكر خيري
ومراتى شغلها............ تعكيرى
مش عارف انا .بقى اعمل ايه
صعب عليا .........بكيت وياه
واللى معايا........ قسمته معاه
لقيته قال ........من قلبه الاه
يارب انت ..............عالم بيا
بالزمه ده ...بقى عقله خفيف
قلت كلام........ لزوم التلطيف
وانتى ياستي.. بلاش تخريف
دا الدنيا رايحه....... مش جيه
شوفي بيتك..... صونى جوزك
وكفايه بقى........... لوية بوزك
اللى راح اليوم.............. ننساه
وتفوقى لولادك................. ديا
قالت خلاص ....حرمت يابيه
دا جوزى ......... بعنيه اخليه
ربى يحفظنا ...........ويحميه
يرسم طريق .وانا امشي عليه
حقك عليا .........يا بو عيالى
معرفش ايه......... اللى جرالى
اخويا سيبه........... لرب كريم
واشهد علينا.... يا سيدنا البيه
رجعت فرحان.......... علشانهم
اني عرفت .............اجمعهم
اصل الشيطان. كان جه بينهم
ربك كبير............ قدرني عليه
ربك كبير............ قدرني عليه
==================.عوني هشام
ليست هناك تعليقات:
إرسال تعليق