عارف البديوي
بفكر فيك
وانت شاغلني
واخد عقلي
ومحيرني
ساعة القاك فاكر
وساعة تكون ناسي
مشتت أفكاري
وحياة حبك ياغالي
افكر كيف الاقيك
وازاي احتفظ فيك
ومترحش مني لحد تاني
أمانة عليك يهون عليك
تسيبني حيرانة
محتاسة
مش عارفة اعمل ايه
ازاي قدرت تبعد عني
وتترك سحري وجمالي
قد كده قلبك قاسي
تعدي وتسيب الحريرورقته
الحق مش عليك
الحق عليا انا
كان لازم اكويك بناري
واخلص منك تاري
واخليك تصبح رماد
وادوس على قلبي
اللي فيك ولهان
وأحاول انسى
ذكريات زمان
لما كنت تقسم بربنا
اني احلى بنت في الدنيا
وانك تعشق
ارضي وسمايا
ياكداب ياالعبان
كنت بتضحك عليا
وتحلف بسحر عنيا
انك ماتسبنيش
طول ما انت عايش
كنت عبيطة صدقت كلامك
اه بس لما اشوفك تاني
لاصفي حسابي معاك
واخليك ترحل
عن الدنيا
يامن كنت حبيبي
ودلوقتي
بقيت جحيمي
مصير الحي يتلاقى
وقتها
أفصفصك باسناني
وأبردنار هجراني
الجمعة٤ يونيو٢٠٢١
عارف البديوي
ليست هناك تعليقات:
إرسال تعليق