أحمد فتحي الكويت
الروح
وإن كانت ملك إللي خلقها
لكن سبحانه معلقها
مع روح تشبهها
ولقاهم فرض
وبافتح عيني
بلاقي الحض براح
والأقيني السنه
والاقيكي الفرض
ياملاك
بيهز الروح من ضحكه
وبيرمي السما متووله
فوق وش الأرض
انا دايب فيكي ومستموت
ومدد روحي علي حيطانك
بالطول والعرض
كل التفاصيل المجنونه
اللي مابيني وبينك
شوق
مش عدل فى إنى أقضى العمر معاكي
وأنا باصص فوق
شديني بنظره لبهو جنابك
او سيبي الحبل لعنف غرامك
يخطفني معاكي لفوق
أحمد فتحي الكويت ٢٠٢١/٦/٥
ليست هناك تعليقات:
إرسال تعليق