أسامه جديانه
فى القلب مليون حسرة
الكل خايف من بكرة
فى دماغي كام فكرة
منايا افتح مشروع
***
يبقالي رصيد فى البنك
والناس ماتبطل لّك
ليل ونهار فى سيرتك
نجمه زاد فى السطوع
***
و ابني أبراج على النيل
واسهر فى الروف بالليل
بين الغنى والمواويل
بصوت عالي ومسموع
***
هبني خزنة فى جدار
على الشارع مالهاش جار
بباب حديد جرار
والباب عالي ومرفوع
***
كام فدان على الطريق
فاكهه تبل الريق
عابر سبيل يدوق
لابد يكون قنوع
***
و يخت فى البحر المالح
للشغل والمصالح
مكتب وسكرتير فالح
مايكونش طري ودلوع
***
سيبك من النمبر ون
ومن اصحاب الفن
قلوب قاسية مابتحن
على فقير مات من الجوع
***
هبني فيلا بكام باب
ليل ونهار للأحباب
واللي فى رحلته غاب
فى طبيخ من كل نوع
***
سبحان واجد الوجود
على كل خلقه يجود
وكرمه ماله حدود
منايا افتح مشروع
(((أسامه جديانه)))
ليست هناك تعليقات:
إرسال تعليق