محمد ربيع المصري
كده كفاية
********
ساعات بنحب ونسلم
لأمر الحب
ونرجع تاني ونقاسي
عذاب القلب
ونرجع تاني نتذكر
مجرد حلم مش أكتر
ومين ف الدنيا يتصور
بأن الحب أصبح ذنب
-------
ومين بيدوم على وده
ومين ثابت وما أتغيرش
ولو كل الظروف ضده
يعديها ولا يخسرش
وليه يخسر حبيب جاله
وشاركه كل أحواله
ومن عمره لو إداله
يقول غالي وما بيرخصش
-------
أدي حكاية عايش فيها
لقلبي اللي عشق بجنون
وناري مين يطفيها
دي واصلة حبيبي فين ما يكون
بس حبيبي ظالمني
ودايماً ليه بعيد عني
وبسهر ليلي مستني
ومش لاقي لعشقه قانون
-------
خلاص مليت من الفُرقة
ومن غيبته وإهماله
كلامي معاه يا دوب سرقة
وهو ولا على باله
بيتكلم ولا يكمل
وبالأعذار بيتعلل
ويرجع تاني م الأول
نفس الشيئ بيحلاله
-------
خلاص مش لاقي عذر أنا ليك
ومش لاقي لبعدك حل
كتير انا كنت باقي عليك
بس خلاص ده قلبي إنذل
وصفتلك كتير حبي
حنيني ولهفتي وقربي
بلاش تبعد تعالى جنبي
بس خلاص ما عندي أمل
-------
بقلمي ...
محمد ربيع المصري
ليست هناك تعليقات:
إرسال تعليق