مسيرك تعرف

جمعه الجر 

.. مسيرك تعرف..

مسيرك تعرف..

أن الدنيا بحالها ماتسوى..

لحظه فى بعدى...

وأنك زى الريشه فى قلب الريح..

هتوه من بعدى...

فبلاش تقسى..

وبلاش تنسى..

أنى النبض لقلبك لسه..

وأنى الدم اللى ف شريانك..

وأنى عشانك..

قلبى دا مات من بدرى...

وأنك لسه هتشرب ياما كتير من غدرى...

واوعى تفكر..

أن حياتى لا شيء من بعدك..

وأنى راح ابكى واقاسى ليالى فى بعدك..

وأنى هعيش بوجعته فى قلبى...

صعبان والله عليا غشاوة قلبك..

فوق من وهمك..

أوعى تفكر أنى بحبك..

وأنى راح أصبر على غلطاتك لا داانا سبتك..

اسمع وافهم راجع عقلك..

تعرف أن قساوة قلبى كانت من غدرك.... وأن عنادى دا ذنبك أنت كمان مش ذنبى...

ولا اأقولك روح ولا ترجع..

وأنا راح ادارى الجرح واخبى...

       جمعه الجر