الأستاذ عبدالعظيم كحيل
مبروك يا أسيادنا
مبروووك يا زعيم
شو كَلَفُوك....
أكيد مابتلبق إلا إلك
يا أبو الكل
أنت أبونا القديس
حامل القداس
لهديتهم من إبليس
بإسم الرب
قاتل رأس الأفعة
بالسيف والرمح والترس
حتحمي البلاد
حتحمي العباد
وتقضي على الفساد
الله يحميك ياريس
مبروووك يا زعيم
ما في داعي يكلفوك
الله يطول بعمرك
انت البركة
أكيد مابتلبق إلا إلك
يا رَيِّس... يااااا رَيِّس
كلن يعني كلن
مش مَزْبُوط
إنت المَلِك بين الشياطين
أنت الموجود بينهم
المهدي المُنْتَظَر
عجل الله فرَجه
الفرج من بعد الله فيك
أنت الأمل ياريس
قائد الأوركسترا
في مجلس
يَدوم و يَدوم و يَدوووووم...
مبروووك
يا دولة الرئيس
شو كلفوك....
أكيد ما بتلبق إلا إلك
أنت شيخ”طريقة “
قدس الله سرك
بارك الله بأصلك
من نسل الرُسل نسلك...
أنت تاج 👑 فوق راسنا
يرحم أبوك و يلي خلفوك
على طريق الخير رَبُوك
ما بتنازل إلا للوطن بِحُبك
يا دولة الرئيس
والله منحبك.. منحبااااااك....
مبروك يا سيدنا مبروووك
عراضة لعينوكم
طبلة و زَمْرة ورقص بلدي
بدبكة مع الشباب و الصبايا
إيد إيد مع فنجان قهوة
و زغاريد من الجدة
لا بد من إطلاق نار
و إصابات و بعض الوفيات
فداك.... ولعيونك معلمي
هيدا الموديل التقليدي
الموديل الجديد العصري
بالرقص الإفرنجي
مع كأس للفرفشة
و بُوفيه مفتوحة
فيها كل ما لذ وطاب
للأحباب وللأصحاب
هيك بكون الإختيار
لكبار السياسيين في بلادي
صور على الحيطان
يافطات في الميدان
لا برامج ولا يحزنون
مبروووك يا كبير
شو كلفوك
أكيد ما بتلبق إلا إلك
عبدالعظيم كحيل
ليست هناك تعليقات:
إرسال تعليق