🗨️ الأسامي🗨️
***********
مش ضروري تعيش ف دنيا 💦 كل شيئ جواها رافضك
مش ضروري تِعلِّي صوتك 💦 لما كل النار تحاوطك
ما أنتَ ميت غصب عنك 💦 يعني عايش غصب عنك
الحكاية هيا هيا 💦 حس بيا فوق ف عرضك
إوعي مرة تقول لي جايز 💦 تيجي ضربة حظ حرة
ضربة حرة ف قلب ميت 💦 جت مصادفة ف قلب أرضك
تيجي تاخد منها حاجة 💦 ما تلاقيش ف الأرض حاجة
بس تلقي الضربة توجع 💦 يا لسوء حظي وحظك
كنت فاكر إنه ممكن 💦 ف الحياة ح يكون لي موطن
وإنتَ برضه كنت فاكر 💦 بس خاب ظني وظنك
نبتديها وحدة وحدة 💦 كام وليد مولود معانا
خدنا إيه م الدنيا إلا 💦 إسم شايل وصف شخصك
حتي شخصي سمهولي 💦 و أما ييجوا يندهولي
بلقي نفسي ف حد تاني 💦 إسمه جايز زي إسمك
أو ملامح إسم تاني 💦 مش لاقيها ف رسم إسمي
توهة صايبة العقل مني 💦 وإحتمالها تبقي منك
خدت إسمي ف غفلة مني 💦 ولَّا جايز خيروني
ولَّا جايز قلت ماشي 💦 وف آخرها ح أبقي ظالمك
سيبلي إسمك زي ماهو 💦 بس لما ينادوا إسمي
ما تحاولش ترد عني 💦 إلا لما أحتاج لردك
مش لاقيني ف حد تاني 💦 مش لاقيني إلا فيا
والدموع اللي ف عيوني 💦 شاهدة إن الحزن هَدَّك
أو هاددنا ف ساعة واحدة 💦 و إتعادلنا ف هد حيلنا
و إتقابلنا ف دنيا جاحدة 💦 رافضة تسمع حاجة عنك
رافضة حتي تخلي صوتك 💦 مرة يطلع قبل موتك
رافضة تعرف أي حاجة 💦 عن ملامحي أو ملامحك
مهما كان الجرح فينا 💦 مش ح نهرب من ماضينا
مش ح نعلن أي شكوي 💦 مهما كان الجرح واصلك
ما الجراح اللي ف ضلوعك 💦 غايرة فيا سنين كتيرة
والدموع اللي ف عيونك 💦 شاهدة إني حد عارفك
حد عارفك و إنتَ عارف 💦 إني مهما أتبري مني
الملامح جوه مني 💦 مستحيل تتبري منك
ما احنا واحد ف النهاية 💦 والأسامي جامعة بينا
والأماني جوه مني 💦 مش بتكمل إلا عندك
والمعاني اللي ف كلامي 💦 تلقي قلبك حس بيها
والمواني اللي ف سطوري 💦 مادَّة إيدها لحد شطك
ألف مية مليون تحية 💦 للي يرجع بعد غربة
ويدارينا جوه منه 💦 و ينادينا بنفس إسمك
ليه تفكر فيها تاني 💦 نفس إسمك هو إسمي
كل ما في الأمر إنك 💦 تهت عني وتهت عنك
مِد إيدك تلقي إيدي 💦 و إستعيد الحلم مني
قلبي رافض إني أحلم 💦 و ألتقيك ف الحلم وحدك
خبي نفسك جوه مني 💦 قول لنفسك إنتَ مني
حتي لما تنام عيونك 💦 حلمي لازم يبقي حلمك
و أما تشكي من جراحك 💦 خلا صوت الشكوي عندي
و أما ح أشكي من جراحي 💦 ح تلاقيني ف ثانية عندك
و أما تسأل مرة عني 💦 ح تلاقيني زي ما أنتَ
حالي دايمن هو حالك 💦 حتي عمري هو عمرك
والرحيل مكتوب علينا 💦 يا إبن آدم مهما عشنا
واللي فاضل منا ذكري 💦 شايلة إسمي ويا إسمك
🗯️ أشعار : بسام أبو مصطفي 🗯️
ليست هناك تعليقات:
إرسال تعليق