ابتسمت إلي بعيون حلياني
ابتسمت إلي بعيون حلياني
وشفاف تهمس لونها غناني
شعرا دهب وحواجبا حكايات
بتسّر الولهان مجاني
ايدين مفروشة حلا وآيات
بتسحر بشوقا الحب دفياني
بشعر ضلوعي صارت رويات
لهفه بنبضة شو شعلاني
بنطر جبينا احلامه الجايات
تكشف خفايا اسرار خجلاني
بوعّي عيوني وبعزف النايات
لما بتجيني تكون وعياني
ورموش عيني نور مضويات
شمعة امل عدروب خلاني
كرمالها بعيون بنِّيات
أغمر عسل بعيون ريَّاني
عيشي معي بالكوخ عالفيّات
خلي الاماني اسرار سحريات
محلا العشق لو كان جواني
من ديوان ابجديات الغزل
الشاعرة (بدريه عزيز ابراهيم)
ليست هناك تعليقات:
إرسال تعليق