( ؛ ؛ ؛ بنغني ليكي ؛ ؛ ؛ )
بنغني ليكي
يا بلدي
وصوتنا مش طالع
متعرفيش
م الخوف
ولا الألم واجع
ولا النهار
مخطوف
غايب ومش راجع
ولا النغم
مجروح
ولا الكلام بيروح
من صوت
شبيه النوح
حتى الأمل مطروح
ف حلم
مُش طارح
ولا نهارك غيم
ونهارنا
مش واضح
متزعليش يا بلدنا
منُه دا ليل
كالح
بُكره رحيل الغيم
مع الظلام
والليل
وبكره نتصالح
بُكره الولد
هيقول
ينزل وهيقاوح
بُكره تثور
الروح وتعّلَىَ
فوقها صروح
وتزيل مرار
طافح
حتى الطيور
هتدور
تبدُر هناك النور
ف أرض
كانت بور
م الظلم ويّا الجور
ولا عُمرها تسامح
اللي زرع
ف الشعب
تاريخ ملاه الرُعب
اللي خطف
فرحه يدوب
كانت طرحه
اللي طلاه الزيف
وخوفنا منُه الحيف
أمِنا بيه الزيف
يا بلادي
لا تبكي
طول عُمرنا بنشكي
طول عُمرنا
صابرين
والمُر دا شاربين
عشان
ف يوم عدلنا
يطرح ويكبر هنا
ويقول
وميخافشي
وكلمتُه تمشي
متزعليش
يا بلدنا
خلاص ومش هشكي
....... .... ..
أحمد الصاوي ٢١ / ٢ / ٢٠٢١
ليست هناك تعليقات:
إرسال تعليق